آشیانہ ریفرنس: شہباز شریف دی بریت دی درخواست اتے فیصلہ محفوظ

لہور(پنجابی میڈیا گروپ)لہوردی احتساب عدالت نے آشیانہ ریفرنس وچ شہباز شریف سنے ہوراں دی بریت دیاں درخواستاں اتے فیصلہ محفوظ کر لیا۔احتساب عدالت لہور دے جج علی ذوالقرنین نے سابق وزیر اعظم شہباز شریف سنے ہوراں ملزماں دی بریت دیاں درخواستاں اتے سماعت کیتی، ساریاں ملزماں دے وکیلاں نے دلائل مکمل کیتے۔دوران سماعت نیب دے وکیل وارث جنجوعہ نے دلائل دیندیاں آکھیاکہ ملزماں اتے جرم ثابت ہون دا امکان نہیں، انویسٹی گیشن رپورٹ دی فائنڈنگز توںاتفاق کردا ہاں۔بعد وچ احتساب عدالت دے جج علی ذوالقرنین نے فیصلہ محفوظ کردیاں ہویاں آکھیاکہ آشیانہ ریفرنس وچ شہباز شریف تے ہوراں دی بریت دیاں درخواستاں اتے فیصلہ7نومبر نوں سنایا جائے گا۔