جلسہ کرنا پی ٹی آئی دا حق اے انتظامیہ اونہاں نوں اجازت دیوے،فضل الرحمان

اسلام آباد(بیورورپورٹ)سربراہ جے یو آئی مولانا فضل الرحمان نے آکھیا اے کہ جلسہ کرانا پی ٹی آئی دا حق اے میں اسد قیصر دے مطالبے دی حمایت کردا ہاں۔قومی اسمبلی کا اجلاس اسپیکر دی زیر صدارت شروع ہویا جس وچ اسد قیصر نے نکتہ اعتراض چُکدیاں ہویاں قومی اسمبلی وچ انسانی حقوق بارے، آزادی نہ ہون تے جلسے دی اجازت نہ ملن بارے گل بات کیتی۔اسد قیصر دے بعد گل کر دیاں ہویاں جے یو آئی دے سربراہ مولانا فضل الرحمان نے ایوان وچ تقریر کیتی تے آکھیاکہ پی ٹی آئی نال مذاکرات شروع نہیں ہوئے لیکن ساہنون انکار وی نہیں اے، اگر اسپیکر صاحب نے ویلا دتا تے گل کراں گے۔فضل الرحمان نے نکتہ اعتراض اُتے گل کر دیاںآکھیا کہ اسد قیصر دا مطالبہ درست اے جلسہ کرانا پی ٹی آئی دا حق اے میں اسد قیصر دے مطالبے دی حمایت کردا ہاں،ساہنوں سنجیدگی نال ویکھنا پئے گاساڈھا ملک ہُن کیتھے کھڑا اے، ایس ملک نوں حاصل کرن وچ اسٹیبلشمنٹ تے بیوروکریسی دا کوئی کردار نہیں، اج بیورو کریسی تے اسٹیبلشمنٹ کیتھے اے تے عوام کیتھے اے۔