فارم 47 دی پیداوار حکومت ملک نوںبحراناں توں نہیں کَڈ سکدی،علی امین

پشور(بیورورپورٹ)خیبر پختونخوا دے وزیراعلی علی امین گنڈا پور نے آکھیا کہ فارم 47 دی پیداوار حکومت دے کول ملک نوں بحراناں توں کَڈن دی اہلیت نہیں۔خیبر پختونخوا وچ بلدیاتی ضمنی الیکشن دے نتائج اُتے وزیراعلی خیبرپختونخوا علی امین گنڈا پور نے آکھیا کہ تحصیل چیئرمین شپ لئی ضمنی الیکشن وچ جتن والے امیدواراں نوں مبارکباد پیش کردا ہاں، غیرسرکاری تے غیرحتمی نتائج وچ پی ٹی آئی دے حمایت یافتہ امیدواراں نے تحصیل چیئرمین دیاں 6 وچوں5 نشستاں جت لئیاںنیں۔علی امین گنڈا پور نے آکھیا کہ ایہ صوبے دی عوام دا پاکستان تحریک انصاف اُتے بھرپور اعتماددا اظہار اے، پاکستان تحریک انصاف دے حمایت یافتہ امیدواراں اُتے بھرپور اعتماد ظاہر کرن اُتے اونہاں حلقیاں دی عوام داشکریہ ادا کردا ہاں۔وزیراعلی خیبر پختونخوا نے آکھیا کہ ضمنی الیکشن وچ پارٹی دے حمایت یافتہ امیدواراں دی شاندار کامیابی اُتے پارٹی قیادت تے کارکناں نوں وی مبارکباد پیش کردا ہاں۔