کالجاں تے یونیورسٹاں دے طالب علماں لئی لائسنس دااجراکررہے ہاں،محسن نقوی

اسلام آباد(بیورورپورٹ)وفاقی وزیر داخلہ محسن نقوی نے آکھیا اے کہ کالج تے یونیورسٹاں دے طالب علماں لئی لائسنس دا اجرا کر رہے ہاں۔اسلام آباد وچ میڈیا نال گل بات کردیاں ہویاں محسن نقوی دا کہنا سی کہ کالج تے سکولاں دے بالاںنوں ساڈھے کول آن دی لوڑ نہیں ہوئے گی، اسیں سارے کالج، یونیورسٹیاں دے استاداں نال رابطہ کر کے مہینے وچ 1یا2 وار جا کے اونہاں دے لرنر تے ڈرائیونگ لائسنس بناواں گے۔اونہاں نے آکھیا کہ70ورھے توں وَدھ عمر دے لوکاں نوں اونہاں دے گھر وچ جا کے ایہ سہولت فراہم کراں گے،ایہ عوام دا حق اے۔وفاقی وزیردا کہنا سی کہ ساہنوں ٹریفک دا مسئلہ حل کرکے اوس نوں سگنل فری کرنا اے، اگلے آن والے دناں وچ تہانوں کافی چیزاں ویکھن نوں ملن گیاں، اسیں اسلام آبادنوں منشیات تے تجاوزات توں پاک کراں گے۔