کنک دے معاملے اُتے نگران حکومت نے غلط فیصلے کیتے،احسن اقبال

اسلام آباد(بیورورپورٹ) وفاقی وزیر منصوبہ بندی احسن اقبال نے کنک دے معاملے اُتے نگران حکومت نوں غلط فیصلیاں دا ذمہ دار قرار دے دتا۔احسن اقبال نے آکھیا کہ نگران حکومت کنک دی درآمد دے غلط فیصلے کرکے گئی جس پاروں اج کسان پریشان اے۔ اونہاں نے آکھیا کہ سب نوں پتا سی ایس سال کنک وَدھ ہوئے گی اداریاں دے کول اعداد وشمار سن لیکن 1ارب ڈالر دی کنک منگوالی گئی حالانکہ ملک وچ وافرکنک موجود سی، جس نے ایہ فیصلے کیتے اوس نوں سزا ملنی چا ہیدی۔ وفاقی وزیر دا کہنا سی کہ وزیراعظم نے پاسکو داخریداری ہدف ودھا دتا اے، صوبیاں نوںوی کساناں نال گل بات کرنی چاہیدی۔