او آئی سی اجلاس: اسحاق ڈار دا غزہ وچ فوری جنگ بندی دا مطالبہ

گیمبیا(نیوزڈیسک)نائب وزیراعظم تے وزیر خارجہ اسحاق ڈار نے او آئی سی دے رکن ملکاں نال مطالبہ کیتا اے کہ غزہ وچ فوری طور اُتے غیر مشروط جنگ بندی نوں یقینی بنان۔گیمبیا وچ او آئی سی سربراہ اجلاس نال خطاب کر دیاں ہویاں اسحاق ڈار نے غزہ وچ جاری اسرائیلی حملیاں اُتے گہری تشویش ظاہرکیتی۔اونہاں نے خود مختار فلسطینی ریاست تے اقوام متحدہ وچ اوس دی مکمل رکنیت لئی حمایت داعہدکر دیاں ہویاںآکھیا کہ او آئی سی ملک غزہ وچ جنگ بندی تے بلاتعطل انسانی امداد لئی مل کے کم کرن۔وزیر خارجہ دا کہنا سی کہ عوام بالخصوص امت مسلمہ نوں وڈھے چیلنجاں دا سامنا اے، چیلنجاں اُتے او آئی سی نوں متحد تے مرطوب جواب دینا چا ہیدا، مغربی کنارے فلسطینی عوام اُتے اسرائیل دے وحشیانہ حملے جاری نیں، جان بجھ کے انسانی امداد توں انکارکیتا جا رہیااے، فلسطین دی آزادی لئی اپنے مقاصد نوں عملی جامہ پہنان دی لوڑ اے۔