اسحاق ڈار دی وزیر خارجہ آذربائیجان نال ملاقات، دوناں پاسیاں دے تعلقات ودھان اُتے اتفاق

اسلام آباد(بیورورپورٹ)وزیرخارجہ سینیٹر اسحاق ڈار دی آذربائیجان دے وزیر خارجہ جیہون بیراموف نال ملاقات ہوئی، ملاقات وچ دوناں رہنماواں دے وچکار دوناں پاسیاں دے تعلقات اُتے تبادلہ خیال کیتا گیا۔ترجمان دفتر خارجہ مطابق دوناں رہنماواں دی ملاقات گیمبیا دے دارالحکومت بنجول وچ اسلامی تعاون تنظیم (او آئی سی)دے15ویں سربراہی اجلاس اُتے ہوئی، دوناں رہنماواں ولوں تجارت، توانائی تے عوامی رابطیاں سنے مختلف شعبیاں وچ دوناں پاسیاں دے تعاون نوں ہورودھان دے عزم دا عہد کیتا گیا۔ترجمان دفتر خارجہ دا کہنا سی کہ دوناں ملکاں دے وزیراں نے سیاسی سطح اُتے رابطے تے گل بات نوں ودھان اُتے اتقاق رائے کیتا ، ملاقات دے دوران وزیر خارجہ اسحاق ڈار نے باکو نوں COP29 دی میزبانی لئی نامزد ہون اُتے مبارکباد دتی۔