وزیراعظم شہبازشریف دی صادق خان نوں لندن دا میئر منتخب ہون اُتے مبارکباد

اسلام آباد(بیورورپورٹ)وزیراعظم شہباز شریف نے صادق خان نوں لندن دا میئر بنن اُتے مبارکباد پیش کیتی اے۔اپنے اک بیان وچ وزیراعظم شہباز شریف دا کہنا سی کہ مسلسل تریجی وار لندن دا میئر بنن اُتے صادق خان نوں مبارکباد پیش کردا ہاں، اک محنتی برطانوی پاکستانی دے قابل فخر فرزند نے ہر پاکستانی دا سر فخر نال اُچا کیتا۔اونہاں نے آکھیا کہ تریجی وار لندن دا میئر منتخب ہونا صادق خان دی قابلیت تے عوامی خدمت دا ثبوت اے، مستقبل وچ صادق خان دی ہورکامیابیاں لئی نیک تمناں دا اظہار کردا ہاں۔یاد رہے کہ پچھلے دناں پاکستانی نژاد برطانوی شہری تے لیبر امیدوار صادق خان نے تریجی وار میئر لندن منتخب ہو کے ہیٹ ٹرک مکمل کیتی اے۔