جس وزیراعلی نوںاسلام آباد چڑھائی دا شوق اے، اپنے لیڈر دا حشر ویکھے،شرجیل میمن

کراچی(بیورورپورٹ) وزیرِ ٹرانسپورٹ سندھ شرجیل میمن نے آکھیا اے کہ ہر چنگے کم وچ حکومت دے نال ہاں۔کراچی وچ میڈیا نال گل بات کر دیاں ہویاں اونہاں نے آکھیا کہ گلاں نال نہیں عملی طوراُتے ٹرانسپورٹ سیکٹر نوں پیراں اُتے کھڑا کرنا اے، ریڈ لائن بوہت اہم منصوبہ اے، حکومت کم کررہی اے تے کرن دی نیت نال بیٹھی اے، کنٹریکٹر ساڈھے نال مل کے دن رات کم کرن گے، اک ورھے دا کم 6مہینے وچ تے6مہینے دا کم 3مہینیاں وچ مکمل کراں گے۔اونہاں نے آکھیا کہ کابینہ وچ شامل نہ ہون دا مطلب نہیں کہ وفاقی حکومت نوں کم نہیں کرن دے رہے، پیپلز پارٹی ملک دی بہتری لئی ہر چنگے کم وچ حکومت سے نال ہاںاونہاں نے زوردتا کہ ریڈ لائن منصوبے دی لاگت اُتے کنٹریکٹر، کنسلٹنٹ تے ایشیائی ترقیاتی بینک مل کے نظر ثانی کررہے نیں، لاگت وچ تبدیلی کنسلٹنٹ دی مرضی تے مشاورت نال ہوئے گی۔