کنک درآمد اسکینڈل دی تحقیقات، سابق نگران وزیر خزانہ شمشاد اختر طلب

لہور(پنجابی میڈیا)کنک درآمد اسکینڈل دی تحقیقات جاری اے، کنک بحران اُتے تحقیقات لئی قائم کمیٹی دا اجلاس ہفتہ والے دن ہویا تحقیقاتی کمیٹی سامنے مختلف آپشن زیر غور نیں، ذرائع مطابق تحقیقات دے بعد کارروائی لئی معاملہ نیب، ایف آئی اے دے سپرد کرن اُتے وی غور کیتا جارہیااے۔نگران دور دے افراد نوںسدھے جان دا امکان اے نگران وزیر اعظم دے ذرائع دا کہنا اے کہ اجے تک طلبی دا کوئی باقاعدہ نوٹس نہیں ملیا۔کمیٹی4 ارکاناں اُتے مشتمل اے تے وزیرِ اعظم شہباز شریف نے کمیٹی نوں ہدایت کیتی اے کہ4دناں وچ تحقیقات کرکے رپورٹ پیش کیتی جائے۔ذرائع مطابق نگران وزیراعظم تے وزیراں نوں تحقیقات بارے سوالنامہ وی گھلیا جا سکدا اے جس وچ اینہاں تحقیقات بارے اوہ اپنا موقف پیش کرسکدے نیں۔کمیٹی دااجلاس اج فیر ہوئے گا۔وفاقی سیکریٹری کابینہ نے کنک دی انکوائری بارے گمراہ کن خبراں دی تردید کیتی۔