کے پی وچ پیپلز پارٹی دا گورنر، حکومت دا فضل الرحمن نال آخری رابطہ وی ٹُٹ گیا

اسلام آباد(بیورورپورٹ)پیپلز پارٹی دے خیبرپختونخوا لئی نامزد صوبائی گورنر دی ہفتے دی شام پشور وچ حلف برداری دے نال ہی موجودہ حکومت دے نال مولانا فضل الرحمندی جمعیت العلمائے اسلام دا آخری رابطہ وی ٹٹ گیا۔جے یو آئی دے رہنما تے مولانا فضل الرحمن دے سمدھی حاجی غلام علی نویں گورنر فیصل کریم کنڈی دی گورنر ہاوس وچ آمد دے نال سبکدوش ہوگئے، اونہاں پی ڈی ایم دی شہباز شریف حکومت نے گورنر متعین کیتا سی، اوہ ڈیڑھ ورھے ایس منصب اُتے فائز رہے تے اونہاں دی آخری سیاسی مصروفیات پچھلے ہفتے لہور وچ پاکستان مسلم لیگ نون دے قائد نواز شریف تے پنجاب دی وزیراعلی مریم نواز شریف نال ملاقات دی۔ سیاسی مبصرین دا خیال اے کہ سبکدوش گورنر دے صوبائی حکومت تے وزیراعلی علی امین گنڈا پور دے نال مراسم حد اعتدال اُتے سن۔