قنون وچ ترمیم وڈھا ڈیزاسٹر ہوئے گا، بھرپور مزاحمت کراںگے، اسد قیصر

اسلام آباد(بیورورپورٹ)سابق سپیکر قومی اسمبلی اسد قیصر نے آئینی ترمیم اُتے ردعمل وچ آکھیا کہ وفاقی وزیر قنون اعظم نذیر تارڑ نے قنون وچ ترمیم بارے اشارہ دتا اے۔اسد قیصر نے آکھیا کہ وفاقی وزیر قنون نے چیف جسٹس دی مدت ودھان بارے وی اشارہ دتا، اگر ایسا کجھ ہویا تے ایہ بوہت وڈھا ڈیزاسٹر ہوئے گا، موجودہ حکومت دے کول تے مینڈیٹ ہی نہیں کہ اوہ ایسی قنون سازی کرے۔سابق سپیکر قومی اسمبلی نے آکھیا کہ اگر حکومت ایسی حرکت کردی اے تے اسیں پارلیمنٹ سنے ہر فورم اُتے قنونی طریقے نال روکاں گے،ساڈھا اک ہی مطالبہ اے اداریاں نوں آزاد رہنے دین، سب ادارے ساڈھے لئی قابل احترام نیں۔اونہاں نے ہور آکھیا کہ اسیں اداریاں وچ مداخلت دی بھرپور مزاحمت کراں گے تے ایسی کوئی قنون سازی نہیں ہون دیاں گے۔