پنجاب وچ کنک دے معاملے اُتے انکوائری کمیشن نوںکجھ نہیں ملے گا، محسن نقوی

لہور(پنجابی میڈیا)وفاقی وزیر داخلہ محسن نقوی نے آکھیا اے کہ پنجاب وچ کنک دے معاملے اُتے انکوائری کمیشن نوں کجھ نہیں ملے گا۔ایف آئی اے لہور آفس وچ پریس کانفرنس کر دیاں ہویاں وزیر داخلہ محسن نقوی دا کہنا سی کہ پنجاب حکومت دا کنک دے معاملے نال کوئی تعلق سی تے نہ اے، پنجاب حکومت باہر دے ملک توں نہیں ایتھے کساناں توں کنک خرید دی اے، کنک درآمد دا فیصلہ وفاقی حکومت کر دی اے۔اونہاں نے آکھیا کہ میرا ذاتی خیال اے کہ وفاقی حکومت دی کوئی بدنیتی نہیں سی، پنجاب وچ کنک دے معاملے اُتے انکوائری کمیشن نوں کجھ نہیں ملے گا، کجھ لوکاں دی خواہش ضرور اے کہ میرے خلاف انکوائری کرائی جائے، کسی دی خواہش اُتے میں کجھ نہیں کہہ سکدا۔محسن نقوی دا کہناسی کہ میں تے میری پوری ٹیم نے12،13مہینے کم کیتا،رشوت لین تے دین والے اُتے لعنت اے، اگر10ورھیاں بعد وی ساڈھے خلاف کجھ نکل آیا تے جواب دہ ہون گے۔