موجودہ حکومت اوسی رستے نال آئی جس نال عمران خان آئے سن،شاہد خاقان

کراچی(بیورورپورٹ)سابق وزیر اعظم شاہد خاقان عباسی نے آکھیا اے کہ عمران خان جس رستے نال آئے موجودہ حکومت وی اوسی رستے نال آئی، نیب صرف ملکی معیشت دی تباہی دا باعث بنیا اے، سیاسی جماعت اک دن وچ نہیں بن دی، اگلے مہینے تک سیاسی جماعت وجود وچ آجائے گی۔ایہ گل اونہاں نے احتساب عدالت وچ پیشی اُتے میڈیا نال گل بات وچ کیتی۔ سابق وزیراعظم شاہد خاقان عباسی نے آکھیا کہ ایرانی صدر لئی دعا گو ہاں، افسوس ناک واقعے اُتے افسردہ ہاں۔سابق وزیراعظم نے آکھیا کہ اج وی عدالت نے پچھیا کہ جرم کیہ اے؟، نیب والے وی دَسدے نیں کہ مالی فائدہ نہیں چُکدے، نیب والے ایہ وی دسن توں قاصر نیں کہ کیہڑے اختیاراں توں تجاوز کیتا؟ بدقسمتی نال لوگ کئی ورھیاں توں عدالتاں دے چکر لا رہے نیں، نیب دے کول کوئی شواہد نہیں ہُندے۔شاہد خاقان عباسی نے آکھیا کہ جنہاں لوکاں نے کیس بنائے نیں، سابق چیئرمین نیب نوں جواب دنا تے پئے گا، مستقبل وچ جھوٹے کیساں توں بچن لئی عدالت کوئی فیصلہ کرے گی۔ اسلام آباد والے کیس نوں وی واپس لے لیا گیا اے جَدوں تک ایس ملک وچ انتظامی طور اُتے کوئی وڈھی تبدیلی نہیں آ ندی اوس ویلے تک کجھ وی چنگا ہون دی امید نہیں، نیب صرف ملکی معیشت دی تباہی دا باعث بنیا اے۔