وزیر اعظم دا سرکاری گوداماں وچ پئی گندم مارکیٹ اندر لیان دا حکم

اسلام آباد: وزیر اعظم عمران خان نے سرکاری گوداماں وچ پئی ہوئی گندم مارکیٹ اندر لیان دا حکم دے دتا تے آکھیا کہ سستے پوائنٹس بنا کہ لوکان نوں آٹا فراہم کیتا جائے ۔تفصیل دے مطابق گندم دے بحران توں نبڑن لئی وزیر اعظم عمران خان نے پنجاب حکومت نو ںخصوصی ہدا یت کردیاں ہوئیاں بیورو کریسی دے مشورے نوں نظر انداز کر دتا ،ذرائع نے آکھیا کہ افسراں ولوں وزیر اعظم عمران خان نوں گندم دی پیدوار گھٹ ہون دی وجہ توں ایس نوں اکتوبر اندر مارکیٹ وچ لیاون دا مشورہ دتا سی ،تاہم وزیر اعظم نے ایس نوں نظر انداز کردیا ہوئیاںسرکاری گودامان اندر پئی ہوئی گندم نوں مارکیٹ اندر لیاون دا حکم دے دتا۔ اوہناں نے ہدایت جاری کیتی کہ ایس تے فوری عمل کیتا جائے ، اکتوبر وچ ویکھیا جائے گا ، وزیر اعظم عمران خان نے آکھیا کہ اگر اکتوبر اندر ضرورت پئی تے صورتحال دے مطابق گندم درآمد کر لاں گے ، سستے بازار تے پوائنٹس بنا کے لوکاں نوں سستا آٹا فرام کیتا جائے ۔