کجھ لوک فضل الرحمان دے دھرنے تے دھاوے دے حامی سن: شجاعت حسین

لہور: چودھری شجاعت حسین نے مولانا فضل الرحمان دے دھرنے دے حوالے نال اہم انکشافات توں پردہ چک دتا۔ اوہناں آکھیا سانوں ساریاں نوں تریخ توں سبق حاصل کرکے اپنی اصلاح کرنی چاہیدی اے، کجھ لوک فضل الرحمان دے دھرنے تے دھاوے دے حامی سن۔ مسلم لیگ (ق) دے سربراہ چودھری شجاعت حسین دا کہنا سی عمران خان نال کوئی گل کرن نوں تیار نہیں سی، سب اک دوجے نوں کہہ رہے سن تسیں گل کرو، پرویز الٰہی حکومتی کمیٹی دے ممبر نہیں سن، اوہناں توں آکھیا گیا تسیں گل کرو، پرویز الٰہی نے عمران خان نال ملاقات کیتی تے مشورہ دتا، پرویز الٰہی آکھیا کوئی جانی نقصان ہو گیا تے کوئی ذمہ داری نہیں لوے گا۔