دیس نوں ایناں نقصان کدی نہیں اپڑیا جناں ایس نااہل سرکار نے اپڑایا: سعید غنی

کراچی: سعید غنی آکھیا اے نالائق سرکار پاکستانی عوام نوں دھوکا دے رہی اے، پنجاب وچ کورونا ٹیسٹ کرنا بند کر دتے گئے، دیس نوں ایناں نقصان کدی نہیں اپڑیا جناں ایس نااہل سرکار نے اپڑایا، کراچی وچ نالیاں دے چاکنگ پوائنٹس نوں کلیر کر دتا گیا۔ وزیر تعلیم سندھ سعید غنی نے ناصر شاہ دے نال نیوز کانفرنس کردیاں آکھیا پٹرول دا بحران پیدا کیتا گیا، پاکستان دے علاوہ پوری دنیا وچ پٹرول ملدا رہیا، پوری دنیا وچ پی آئی اے دے آپریشن تے تقریباً پابندی لا دتی گئی اے، قومی ایئر لائن نوں زمین بوس کر دتا گیا، پنجاب وچ گندم دا شدید بحران اے۔ سعید غنی دا کہنا سی ٹرمپ نے آکھیا سی ٹیسٹ کرنا چھڈ دیو کورونا ختم ہو جائے گا، اوہناں نے ٹیسٹ کرنا گھٹ کر دتے تے آکھیا جا رہیا اے پاکستان وچ کورونا کیسز گھٹ ہونا شروع ہو گئے، ایس لئی اسیں کہنے آں اک امریکی ٹرمپ دوجا پاکستانی ٹرمپ اے۔