پاکستان تے نیب اکھٹے نہیں چل سکدے : شاہد خاقان عباسی

کراچی( روزوار بھلیکھا ) شاہد خاقان عباسی نے آکھیا کہ احتساب د ے نام اُتے پورے ملک وچ تماشا لگا ہویا اے، کسی کیس وچ کرپشن دا ذکر نہیں، پاکستان تے نیباکھٹے نہیں چل سکدے، اگر لیگی رہنماواں اُتے مقدمے درج ہوسکدنیں تے عمران خان دے خلاف وی پرچہ کٹ سکدا اے ۔سابق وزیراعظم شاہد خاقان عباسی نے کراچی وچ میڈیانال گل بات کر دیاں آکھیا کہ اج فیر پیشی سی ، حسب معمول کیس نہیں چلیا، نیب یکطرفہ احتساب کر رہیا اے ، نیب سیاستدانوں نوں دبان لئیاستعمال ہو رہیااے۔

ساڈے کیساں وچ کرپشن دا نہیں۔ اختیارات دے ناجائزاستعمال دا ذکراے، نیب چلائو یا پاکستان چلالو۔شاہد خاقان عباسی داکہنا سی کہ پاکستان دے ادھے سیاستداناں اُتے غداردامقدمہ بنایا گیا، عمران خان دے خلاف میں وی مقدمہ درج کرانا چاہنداواں ۔ اوہناں نے آکھیا کہ وزیراعظم نوں عوام دی تکلیف دا علم نہیں، عمران خان بے خبر نیں ۔ چینی تےآٹے دی قیمت داعلم نہیں۔اودھر نیب کورٹ وچ ایم ڈی پی ایس او دی غیر قانونی تقرری ریفرنس دی سماعت بغیر کسی کارروائی دے 2 نومبر تک ملتوی کر دتی گئی۔