سرکار دا ایران توں ٹماٹر تے پیاز درآمد کرن دا فیصلہ

اسلام آباد: دیس وچ ٹماٹر تے پیاز دی قیمتاں زیادہ ہون پاروں سرکار نے ایران توں درآمد دا فیصلہ کیتا اے۔ وزارت نیشنل فوڈ سکیورٹی دے ترجمان نے دسیا اے کہ دیس وچ ٹماٹر تے پیاز دی قیمتاں زیادہ ہون پاروں سرکار نے ایران توں درآمد دا فیصلہ کیتا اے تے وفاقی حکومت نے ایران توں ٹماٹر تے پیاز درآمد کرن دی اجازت دے دتی اے۔

ترجمان نے دسیا کہ ایران توں ٹماٹر تے پیاز درآمد کرن دی اک مہینے لئی اجازت دتی گئی اے جہدا مقصد ٹماٹر تے پیاز دی قیمتاں وچ کمی لیانا اے۔ ٹماٹر دی درآمد دے پرمٹ جاری کیتے گئے نیں تاں جے درآمد کنندگان اک مہینے لئی جناں چاہن پیاز تے ٹماٹر درآمد کر سکن، جے ٹماٹر تے پیاز دی قیمتاں وچ استحکام نہ آیا تے ایس صورت وچ درآمد ی اجازت وچ وادھا کیتا جا سکدا اے۔