‘ملک نوں لٹن والے مقدمیاں دا ساہمنا کرن دی بجائے باہر دے ملک بیٹھے نیں : عثمان ڈار

اسلا م آباد ( بھلیکھا ٹی وی ) معاون خصوصی عثمان ڈار نے آکھیا کہ اپوزیشن رہنما ٹائیگر فورس نوں تنقید دا نشانہ بنا رہی اے ۔ ساڈے نوجواناں نوں چور تے ڈاکو آکھیا جا رہیا اے ۔ ملک نوں لُٹن والے مقدمیاں دا ساہمنا کرن دی بجائے باہر دے ملک بیٹھے نیں ۔وزیر اعظم دے معاون خصوصی برائے امور نوجوان عثمان ڈار اسلام آباد وچ میڈیا نال گل بات کر دیاں آکھیا کہ ٹائیگر فورس دے کول اختیارات نہیں ، کمشنر ، ڈپٹی کمشنرز دے کول نیں ، ٹائیگر فورس نشاہدہی کر کے کمشنر تے ڈپٹی کمشنرز دی معاونت کر رہے نیں ۔ٹائیگر فورس دے جوان بغیر تنخواہ قومی جذبے نال کم کر رہے نیں ۔ٹائیگر فورس اک نظریہ اے ، اپوزیشن ٹائیگر فورس دے حوالے نال غیر مناسب گلاں کر رہی اے ۔