وفاقی حکومت دا عوامی مسئلیاں نال کوئی لینا دینا نہیں :مرتضیٰ وہاب

کراچی ( بھلیکھا ٹی وی ) مرتضیٰ وہاب نے آکھیا اے کہ وفاقی حکومت دا عوامی مسئلیاں نال کوئی لینا دینا نہیں ، وزیر اعظم نوں اپنی ذات توں اگے کجھ نظر نہیں آندا ۔ این ایف سی وچ جائز حق دتے جان ۔
ترجمان سندھ حکومت مرتضیٰ وہاب نے کراچی وچ میڈیا نال گل بات کر دیاں آکھیا کہ گیس ، تیل تے ایل پی جی دے ریٹاںودھنا تہاڈے ساہمنے نیں ، اتنے نا اہل نیں 27مہینے حکومت دے بعد ماضی دی حکومتاں نوں مہنگائی دی وجہ آکھ رہے نیں ۔اگر پچھلی حکومت بُری سی تے55روپے فی کلو چینی سی ، اگر پہلے والے بُرے سن تے ساہنوں اوہ برائی چاہیدی ۔ اوہناں نے غریب دے بالاں توں اوہناں دا دودھ وی کھو لیا ۔