منی لانڈرنگ ریفرنس : شہباز شریف دے جسمانی ریمانڈ وچ ہور7دناں دی توسیع

لہور (بھلیکھا ٹی وی )احتساب عدالت نے منی لانڈرنگ ریفرنس وچ صدر مسلم لیگ ن شہباز شریف دے جسمانی ریمانڈ وچ ہور7 دناں دی توسیع کر دتی ۔ احتساب عدالت دے ایڈمن جج جواد الحسن نے شہباز شریف تے ہوراں دے خلاف منی لانڈرنگ ریفرنس اُتے سماعت کیتی۔ نیب حکام نے جسمانی ریمانڈ مکمل ہون اُتے شہباز شریف نوں عدالت دے ساہمنے کیتا ۔کمرہ عدالت وچ شہباز شریف نے آکھیا کہ جج صاحب! مینوں کمر دی تکلیف اے ، نیب حکام نے میری کرسی کھو لئی، مینوں عام کرسی دتی جس ا ُتے بیٹھ کہ نماز پڑھداتے روٹی کھاندا واں، نیب دے ایس رویے نال کمر دی تکلیف تے درد ہور ودھ گیااے ، نیب نے عمران خان نیازی تے شہزاد اکبردے آکھن اُتے کرسی غائب کیتی اے ،نیب پراسیکیوٹر نے شکایتاں دی نفی کر دیاں ہوئیاںآکھیا کہ شہباز شریف دوران تفتیش تعاون نہیں کردے جس اُتے عدالت نے آکھیا کہ اگر ملزم سوالداجواب نہیں دینداتے اوس دا نقصان ملزم نوں ہندا اے ۔