بے قراریاں وچ ہے

امرجیت سنگھ سندھو

زندگی بے قراریاں وچ ہے
ہر دوائی بیماریاں وچ ہے
لطف اوہ امن چین وچ کتھے،
جو کہ خجل خواریاں وچ ہے
کد اوہ تکدے زمیں دے جیواں ول،
یار اُچیاں اُڈاریاں وچ ہے
اُنگلاں تے نچا رہے سبھ نوں،
ربّ وی شامل مداریاں وچ ہے
مال ودھیا، غریب ہے مالک،
جوش کِناں وپاریاں وچ ہے!
صرف تینوں ہی خط لکھے سن میں،
میری گنتی لکھاریاں وچ ہے
دل ہی رکھن نوں آ کے ویکھ تاں جا،
تیرا ’سندھو‘ تیاریاں وچ ہے