کافی

گلفام نقوی

انھیاں راہواں‘ انھے چاء
سائیاں سانوں اکھاں لا
جیون لگے اک سزا، رسیا ہویا یار ملا
سائیاں سانوں اکھا لا
کوہجھی‘ کملی‘ ہینی گولی
جند وچاری ککھوں ہولی
گل نال لا کے گل مکا
سائیاں سانوں اکھاں لا
روگ فراقاں والے لگے
سکھ دے بوہے تالے لگے
کِتے تے کوئی خوشی وکھا
سائیاں سانوں اکھاں لا
ہیراں رانجھا رانجھا کردی
رانجھا سب دا سانجھا کردی
کیدو لا نہ جاوے داء، سائیاں سانوں اکھاں لا
بن کے مٹی دا سرناواں
تیرے قدمیں وچھ وچھ جاواں
گل دے پورے کر دے چاء
سائیاں سانوں اکھاں لا