اوہ کدوں آؤن گے

بھپندر پنیوالیا

تُر گئے نے اوہ چُپ چپیتے
پتہ نہیں ہُن کدوں آؤن گے
لگدے نے وِچھڑیاں یُگ بیتے
پتہ نہیں ہُن کدوں آؤن گے
دِل نہیں لگدا بن سجنا
اؤکھے بیتدے نے ہُن دِن سجنا
اُڈیک نہہوندی اے مِن سجنا
ویہڑا سُنا کوئی نہ محرم
وے ساڈے زخماں کِسے نہ سیتے
جِند نِمانی رووے تے کُرلاوے
پلے رہ گئے ہوکے تے ہاوے
مینوں تاں کوئی سمجھ نہ آوے
تیں کہڑے بدلے نے میتھوں لیتے
پتہ نہیں ہُن کدوں آؤن گے
وِچھوڑا تیرا ہُن سہہ نہ ہوندا
تیرے باجھوں وے ہُن رہ نہ ہوندا
دُکھ وی کِسے نوں کہہ نہ ہوندا
چیتے آؤندے نے ویلے ہُن بیتے
پتہ نہیں ہُن کدوں آؤن گے
آ مِل ہُن تاں میرے سائیاں
رُت وی ہُن بدل کے آئیاں
ویلاں رُکھاں نوں جپھیاں پائیاں
یاد کر لے توں وعدے کیتے
پتہ نہیں ہُن کدوں آؤن گے