موجاں مان رہے

امرجیت سنگھ سندھو

اس دا چار چفیرا موجاں مان رہے
لیڈر نال لٹیرا موجاں مان رہے
اس دے پچھے چھپیا، بہت سرکھات ہے
چانن مگر ہنیرا موجاں مان رہے
کل نوں تیرے دی وی واری آوے گی
جیکر اج کل میرا موجاں مان رہے
اس دے کارن قدر ودھی ہے گھوڑی دی
گھوڑی نال وچھیرا موجاں مان رہے
اک دی موت ہے بندی جیون دوجے دا
مچھیاں مار، مچھیرا موجاں مان رہے
آکھ آکھ کے، سپ ہے ایس پٹاری وچ
خالی ہتھی سپیرا موجاں مان رہے
بُڈھے شیر دی بھبک اجے وی قایم ہے
اس دا ٹبر گھیرا موجاں مان رہے
ساڈیاں موجاں کیوں چبھیاں نے لوکاں نوں
ہور وی جگ بتھیرا موجاں مان رہے
بھورے ترس رہے نیں، جد کہ کلیاں چوں
کڈھ کے عطر، پھلیرا موجاں مان رہے
سندھو کس دن جاپو گا کہ ہر بندہ
ہووے سون سویرا، موجاں مان رہے