پِلاک ولوں جشن آزادی فیملی میوزیکل شو دا انعقاد

شیر میانداد، ناصر بیراج، روحیل وقاص، عمران ناصر، ملکہ آرزو تے انمول فاطمہ سنے گلوکاراں اپنی اواز دا جادو جگایا

آفاق بٹ

پنجاب انسٹیٹیوٹ آف لینگویج آرٹ اینڈ کلچر، محکمہ اطلاعات وثقافت پنجاب دے زیر اہتمام 14 اگست دی مناسبت نال جشن آزادی فیملی میوزیکل شو دا انعقاد کیتا گیا جس وچ معروف قوال تے گلوکار شیر میانداد، ناصر بیراج، روحیل وقاص، عمران ناصر، ملکہ آرزو، انمول فاطمہ، معیہ لال، رضی آر جے، شیراز علی تے فاروق مترو دے علاوہ دیگر نوجوان گلوکاراں نے وی ملی نغمے پیش کیتے۔

ایس موقعے اُتے ڈائریکٹر جنرل پِلاک ڈاکٹر صغرا صدف نے کہیا کہ نوجوان نسل دے اندر حب الوطنی دا جذبہ پیدا کرن لئی پلاک ایسے طرح دے پروگراماں دا اہتمام کردا رہند اے۔ وطن نال محبت کرن والے نوجوان ای ساڈے روشن مستقبل دی ضمانت نیں۔ نوجواناں نوں ذمہ دار شہری بنان لئی ضروری اے کہ زندگی دے سارے معاملے وچ ایہناں نوں نال لے کے چلیے تے رہنمائی کریئے۔