پاکستان کا مطلب کیا؟۔۔۔۔۔لا الہ الا اللہ

کسے دور وچ آزادی دے دن دی شروعات تلاوت قرآن پاک نال ہوندی سی نہ اج وانگوں سوشل میڈیا دی بھرمار سی

عتیق انور راجہ

ہمیشہ وانگوں ایس سال وی پاکستانی عوام اپنی آزادی دا دن بوہت جوش و خروش نال منا رہے نیں۔ پچھلے کئی ورھے اسیں اپنی آزادی دا دن منان وچ وی بوہت آزاد ہوندے چلے جا رہے آں۔ کسے دور وچ آزادی دے دن دی شروعات تلاوت قرآن پاک نال ہوندی، سوشل میڈیا تے ٹی وی چینلز دی بھرمار تے دور دی گل ایس ویلے صرف اک ای قومی ٹی وی یعنی پی ٹی وی ہویا کردا سی۔ ایہہ اودوں دی گل اے کہ جدوں دلاں وچ محبتاں سن، رویاں وچ ہم آہنگی جھلکدی سی تے جنہاں نے پاکستان بن دے ویکھیا سی ایہناں دے جذبے ہجے جوان سن۔ اوہ آزادی دا مفہوم سمجھان لئی کسے برگد دے درخت تھلے بہہ کے نوجواناں نوں ونڈ توں پہلے دے حالات دسدے تے آزادی دی خاطر اپنے وڈیاں دی قربانیاں دا ذکر کر کے نوجواناں وچ آزاد وطن دی اہمیت اجاگر کرن دی کوشش کردے۔ قومی ٹی وی چینل اُتے صدر مملکت انج دی خوبصورت تقریر کردے کہ تقریر لکھن والے دی لفاظی اُتے دم جھوم جھوم جایا کردا پر اج بوہت کجھ بدل چکیا اے۔ ہن نواں پاکستان اے ہر کوئی آزاد اے کہ اوہ جویں چاہے اپنی آزادی دے دن نوں منائے۔ صدر ہوئے یا وزیراعظم تقریر کردے ویلے کدھرے انج دے لفظ بول جاندے نیں کہ بعد وچ کئی دن ایہناں دی ترجماناں نوں وضاحتاں دینیاں پیندیاں نیں۔ اج ساڈی قوم وانگوں ساڈی سررکاری وی آزاد اے کہ ایہناں دے من جو چنگا لگے ایہناں نوں سرکاری ایوارڈ دیندے نیں۔ آزادی دے جشن نوں منان والیاں وچ ایہناں منچلیاں دی گل نہ کرنا ناانصافی ہوئے گی۔ اصل وچ اج کل آزادی دا دن تے نوجوان ’’منڈیک‘‘ ای کھل کے مناندے نیں۔ انج پاں، پوں پاں، سائلنسر کڈے موٹر سائیکل تے تیز موسیقی دے نال سڑکاں اُتے رقص کردے میرے ملک دے نوجوان پچھلے کئی ورھیاں توں جشن آزادی نوں اپنی طور منا رہے نیں۔ ایہناں دا جتھے دل کردا سڑک اُتے چلن والی گڈیاں نوں روک کے خوب ہلہ گلہ کردے نیں۔ آزادی والے دن محسوس ہوندا اے کہ ساڈے نوجوان پوری طرح آزادی دا لطف لیندے نیں کہ جویں چاہندے نیں اپنی آزادی دا اظہار کردے نیں۔ شاید حکام دا حکم ہوئے کہ آزادی دے دن دی مناسبت نال ریونیو وی جمع کیتا جائے گا۔ ایس لئی آزادی دے دن ٹریفک پولیس ایہناں منچلاں نوں تے قابو نہیں کر پاندی پر عام شہریاں تے شریف نوجواناں دے چالان ضرور کیتے جاندے نیں۔ پتہ نہیں ایہہ کس قسم دی آزادی اے؟ پتہ نہیں وطن دی محبت وچ سرشاری دا اظہار کردے ایہہ بانکے سجیلے جوان اپنے ہم وطناں لئی اذیت دا سبب کیوں بن جاندے نیں۔ ہر سال خبراں توں پتہ چلدا اے کہ موج مستی کردے ہوئے موٹر سائیکلاں اُتے کرتب وکھاندے بوہت سارے نوجواناں ہڈیاں تڑوا کے ہسپتالاں دے مہمان بنے پئے نیں جتھے ایہناں دے بڈھے والدین بے بسی دی تصویر بنے ایہناں دی صحت لئی دعائواں کر رہے ہوندے نیں۔کاوش کوئی مولوی، کوئی ماسٹر یا کوئی راہنما ایس منڈیک نوں سمجھان دی کوشش کرے تے نہیں دسے کہ مذہب قوماں اپنی آزادی دی تقریبات اپنیاں دی جان و مال نوں خطرے وچ پا کے نہیں منایا کردیاں۔ میرا مشورہ اے کہ ایس 13 اگست جمعہ دے بیان وچ علما کرام قوم نوں پاکستان دا مطلب کیتا ؟ ۔لا الہ الا اللہ دا فلسفہ سمجھان دی کوشش کریئے تے نوجواناں نوں سمجھائو کہ کسے دل آزادی جرم اے۔ ایہہ دل آزادی چاہے کسے وی شکل وچ ہو ، چاہے پریشر ہارن توں ہوئے، ون ویلنگ دے خطرناک مظاہریاں نال ہوئے۔ صاحبو ! اج دی نسل پاکستان نال محبت دا دعویٰ تے کردی اے پر افسوس اج ساڈے لوکاں نوں محبت دا مفہوم پتہ نہیں۔ مولوی صاحبان تے ماسٹر جی نوجواناں نوں محبت لفظ کہن دے بعد ایس اُتے عمل پیرا ہون دے تقاضے دسن دی کوشش کریئے، نوجواناں نوں دسیا پئے گا کہ کسے وی شکل وچ کیتی جان والی قانون شکنی جرم اے بدتہذیبی اے تے گناہ وی اے۔ نوجواناں وچ وطن دی محبت، قانون دا احترام تے اعلیٰ اخلاقی صفات پیدا کرن لئی بوہت توجہ تے منصوبہ بندی نال کم کرنا پئے گا ایس کم لئی سب توں پہلے والدین تے فیر ماسٹر تے مولوی دا کردار بوہت اہمیت دا حامل رہوے گا۔ پاکستان کا مطلب کیا؟پاکستان کا مطلب کیا؟۔لا الہ الا اللہ۔ تحریک پاکستان تے ایہہ نعرہ کیوں لازم و ملزوم ہو گئے سن۔ قائداعظم محمد علی جناح نے کیوں کہیا سی کہ تحریک پاکستان وچ 25 فیصد حصہ اصغر سودائی دا اے، ایس لئی نوجواناں نوں قیام پاکستان توں پہلے دے حالات و واقعات بارے وی دسنا ہوئے گا۔ پاکستان کا مطلب کیا؟۔لا الہ الا اللہ دا نعرہ لان والیاں نوں ایس نعرے دی الف ب توں روشناس کرنا ہوئے گا۔ جدوں اسیں انج کر لاں گے تے فیر یقینا ساڈا پاکستان پیارا پاکستان بن جائے گا۔ اصغر سودائی نے کیہ خوبصورت لفظاں وچ پاکستان کا مطلب کیا؟۔۔۔۔۔لا الہ الا اللہ جہی شہرہ آفاق نظم کہی سی، جیہڑی لوکاں دے دلاں دی ترجمان بن گئی۔ اوہ لفظ کجھ انج سن۔
پاکستان کا مطلب کیا؟۔۔۔۔۔لا الہ الا اللہ
شب ظلمت میں گزاری ہے اٹھ وقت بیداری ہے
جنگ شجاعت جاری ہے آتش و آہن سے لڑ جا
پاکستان کا مطلب کیا؟۔۔۔۔۔لا الہ الا اللہ
ہادی و رہبر سرور دیں صاحب علم و عزم و یقیں
قرآن کی مانند حسیں احمد مرسل صلی علی
پاکستان کا مطلب کیا؟۔۔۔۔۔لا الہ الا اللہ
چھوڑ تعلق داری چھوڑ اٹھ محمود بتوں کو توڑ
جاگ اللہ سے رشتہ جوڑ غیر اللہ کا نام مٹا
پاکستان کا مطلب کیا؟۔۔۔۔۔لا الہ الا اللہ
جرات کی تصویر ہے تو ہمت عالمگیر ہے تو
دنیا کی تقدیر ہے تو آپ اپنی تقدیر بنا
پاکستان کا مطلب کیا؟۔۔۔۔۔لا الہ الا اللہ
نغموں کا اعجاز یہی دل کا سوز و ساز یہی
وقت کی ہے آواز یہی وقت کی یہ آواز سنا
پاکستان کا مطلب کیا؟۔۔۔۔۔لا الہ الا اللہ
پنجابی ہو یا افغان مل جانا شرط ایمان
ایک ہی جسم ہے ایک ہی جان ایک رسول اور ایک خدا
تجھ میں ہے خالد کا لہو تجھ میں ہے طارق کی نمو
شیر کے بیٹے شیر ہے تو شیر بن اور میدان میں آ
پاکستان کا مطلب کیا؟۔۔۔۔۔لا الہ الا اللہ
مذہب ہو تہذیب کہ فن تیرا جداگانہ ہے چلن
اپنا وطن ہے اپنا وطن غیر کی باتوں میں مت آ
پاکستان کا مطلب کیا؟۔۔۔۔۔لا الہ الا اللہ
اے اصغر اللہ کرے ننھی کلی پروان چڑھے
پھول بنے خوشبو مہکے وقت دعا ہے ہاتھ اٹھا
پاکستان کا مطلب کیا؟۔۔۔۔۔لا الہ الا اللہ