اورینٹل کالج وچ امجد اسلام امجد دی تقریب پذیرائی

رپورٹ: محمد اکرم

انج لگدا اے کہ سرکار اجے تک عام بندے دے حقیقی مسئلیاں ول توجہ نہیں دے سکی۔ ایس عدم توجہی دی اک سو توں ودھ وجوہات پیش کیتی جا سکدیاں نیں پر کوئی وی عذر بھکھ ختم نہیں کر سکدا، کوئی دلیل پیاس نہیں بجھا سکدی، کسے وی قسم دے دعوے آٹے دی قیمتاں وچ کمی نہیں کر سکدے، کوئی وی دلاسہ گھیو دا متبادل نہیں ہو سکدا، کوئی وی تقریر دالاں دی ودھدی ہوئی قیمتاں وچ کمی نہیں کر سکدی، کسے وی شخصیت دا بیان اوہدے خیالات، سبزیاں تے پھلاں دی ودھدی ہوئی قیمت گھٹ نہیں کر سکدا۔ غربت، بھکھ، افلاس تے بیروزگاری دے تباہ کن اثرات توں بچن لئی سرکار نوں بھیڑے حالات آن توں پہلاں ایس مسئلے نوں حل کرن لئی سنجیدہ اقدامات دی لوڑ اے۔ ایہ ایناں خطرناک مسئلہ اے کہ ایہنوں نظر انداز کرن دی صورت وچ امن وامان خراب ہووے گا، ملک وچ افراتفری پھیلے گی، قنون دی گرفت کمزور ہووے گی، ذہنی امراض وچ وادھا ہووے گا، گھر گھر لڑائی ہووے گی، سرکار اپنی مقبولیت مکمل کھو رہی اے۔ ایس مسئلے نوں نظر انداز کیتا گیا تے دہشت گردی دے خلاف متاثر ہووے گی، کرپشن دے بادشاہواں دے خلاف وزیراعظم دے عزم تے کوششاں نوں نقصان اپڑے گا تے ایس طرح جے مہنگائی جاری رہی تے حالات ہور خراب ہو کے لوکاں نوں اشتعال وچ لیا سکے نیں۔بیروزگاری تے غربت وچ وادھا ہویا اے جدوں عام بندے دے کول کھان پین لئی کجھ نہیں ہووے گا، اوہدے ذہن تے منفی خیالات دا قبضہ ہووے گا، ساہمنے ہنیرا نظر آوے گا تے اوہدے اعصاب جواب دے جان گے تے اوہ نہ چاہندیاں ہوئیاں وی قنون توڑے گا، جدوں عام بندہ اپنے اہل خانہ دی ضرورتاں پوری نہیں کر سکے گا کھان پین دیاں شیواں اوہدی پہنچ توں باہر ہو جان گیاں تے اوہدے کول چھینا جھپٹی دے علاوہ کوئی راستہ نہیں بچے گا۔ ایہناں حالات وچ نوجوان طبقے دے سب توں ودھ متاثر ہون دے امکانات موجود نیں۔ نوجوان نسل بے راہ روی دا شکار ہو گئی تے کوئی پالیسی کامیاب نہیں ہو سکدی، کوئی منصوبہ مکمل نہیں ہو سکدا، کوئی حکمت عملی کامیاب نہیں ہو سکدی۔ ایس لئی حکومت وقت نوں اپنے ماضی وچ کیتے گئے وعدیاں تے دعویاں بارے تیزی نال سوچنا ہووے گا۔ عمران خان صاحب تسیں فکری سوچ عمران خان صاحب جے عام بندے دے مسئلے حل کرنے نیں تے پہلاں تہانوں اپنی ورکنگ ٹیم نوں نویں اندازتے میرٹ تے تشکیل دینا ہووے گا تے پچھلی حکومتاں دی کجھ خاص تے عام پالیسی ورک ویکھنا ہووے گا پر عمران خان تہاڈے دعوے عوامی مسئلے تے دھرنیاں وچ کیتی جان والی تقریراں اہمیت رکھدیاں نیں پر اج مینوں انج لگ رہیا اے کہ تہاڈے دعوے وی ماضی والیاں دی یاد وچ تبدیل ہو گئے نیں۔ اج سرکار عوامی مسئلیاں دے حل دے بجائے سیاسی انتقام وچ لگ گئی اے، ایس ویلے سبزیاں دیاں قیمتاں آسمان نال گلاں کر رہیاں نیں۔ پیاز 70روپے، ٹماٹر 100روپے تے ایس طرح دوجیاں سبزیاں دا ذکر نہ کرو تے چنگا اے، دال غریب دی بہترین ڈش اے جہڑی ایس ویلے 300روپے وچ فروخت کیتی جا رہی اے تے دوجی لوڑ دیاں شیواں دی قیمتاں وی آسمان نال گلاں کر رہیاں نیں۔ گوشت وڈا 500، چھوٹا 200توں 240روپے، بکرا 900توں ودھ وچ فروخت ہو رہیا اے۔ ایس طرح پٹرول دے سرکاری ریٹ 116 روپے نیں جد کہ پٹرول پمپ دی بدمعاشی وی جاری اے تے پٹرول 117تا118تک فروخت کیتا جا رہیا اے۔ عام بندے دی سواری موٹرسائیکل اے جہڑی ہن چلانا انتہائی مشکل ہو گیا اے۔ ایسے ای طرح جے ذکر گھیو، تیل تے چینی دا کیتا جاوے تے ایہناں دی قیمتاں وچ وی تیزی نال وادھا ہو رہیا اے۔ چینی دا 50کلو دا بورا3560توں ودھ کے 3760تے گھیو سنے کئی شیواں دی قیمتاں وچ200فیصد تک وادھا ہو گیا اے۔ تیل وی 180روپے فی لٹر ویچیا جا رہیا اے۔ ماہرین دا کہنا اے روپے دی قدر وچ تیزی نال کمی تے توانائی دی قیمتاں وچ وادھے دی صارفین دی قوت خرید نوں متاثر کیتا اے تے ادارہ شماریات ولوں کنزیومر پرائس دے مطابق اگست 2018دے مقابلے وچ 2019دے مقابلے وچ ملک بھر وچ مہنگائی دی شرح 5.89توں ودھ کے 11.63ہو گیا سی۔ ہن 2020وچ ہور ودھن دا خدشہ اے تے ایس طرح مقامی کاغذ ملاں نے کاغذاں دی قیمتاں وچ 5روپے فی کلو وادھا کر دتا اے ۔ اردو بازار وچ کاغذ د ی نویں قیمت 111روپے تک ودھ گئی اے تے ایس طرح نویں تعلیمی سال 2020وچ کاپیاں کتاباں ہور مہنگی ہو جان گیاں، انج بندے دے مسئلیاں وچ تیزی نال وادھا ہو رہیا اے تے عوامی نمائندیاں نوں اُچیچے پروہنے بن کے سکولاں تے دوجی تقریبات وچ جان توں ویہل ہووے گی تے اوہ عام بندہ تے ووٹ دین والے دا سوچن گے۔ ایس ویلے حالات بہت نازک مرحلے وچ داخل ہو گئے نیں اک پاسے مہنگائی دوجے پاسے مولانا فضل الرحمان دا دھرنا وی جاری سی، 2014وچ مہنگائی کرپشن تے عوامی مسئلیاں تے عمران خان نے وی دھرنا دتا سی تے اج عمران خان دی حکومت اے تے عوام شدید پریشانی تے مہنگائی توں تنگ نیں۔بجلی، گیس، پٹرول تے کھان پین دیاں شیواں دی قیمتاں اسمان نال گلاں کر رہیاں نیں۔ ایہو وجہ نال مولانا سنے اپوزیشن جماعتاں وی عمران خان توں تنگ نظر آ رہیاں نیں جہدے نال حکومت وقت دی مشکلاں وچ ہور وادھا ہو گیا اے۔ مولانا صاحب ہن جے ہائی وے بند کرن گے تے روزمرہ دی بنیاد تے ٹیکس وصولی وچ مشکلات دا ساہمنا وی کرنا پوے گا تے نال ای ہیوی گڈیاں دے ڈرائیوراں تے اک صوبے توں دوجے صوبے وچ سفر کرن والیاں سنے بساں چلان والے ڈرائیوراں وچ بیروزگاری ودھے گی،عام بندے نال عمران خان نے جہڑے وعدے دھرنے دے دور تے جلسے جلوساں وچ کیتے سن اوہ شرمندہ تعبیر نہیں ہو سکے گا، حکومت وقت لئی انتہائی خطرناک ثابت ہووے گا جے بیروزگاری وچ ہور وادھا ہویا تے حکومت وقت لئی انتہائی خطرناک ثابت ہووے گا جے بیروزگاری ودھ گئی تے عام بندہ باغی ہووے گا تے ایس طرح اوہ اپوزیشن دے دھرنے ول یاں دوجے احتجاج ول ویکھے گا ایس طرح غریب جے غریب تر ہو ر ہوندا رہیا تے اوہ وی دھرنے ول ای جاوے گا ایس سرکار لئی مشکلات ودھے گی تے انج موجودہ حکومت اپنی مقبولیت ہور کھو دیوے گی۔ موجودہ حکومت نوں چاہیدا اے کہ پہلاں اوہ وزیراں تے افسراں دیاں شاہ خرچیاں تے قابو پاوے فیر عام بندے دے خیالات دے مطابق مسئلیاں دے حل ول جاوے کیوں جے ایس ویلے اپوزیشن جماعتاں دھرنا دتی بیٹھیاں سن تے ایہدی بنیاد عمران خان نے آپ ماضی وچ 2014وچ رکھی ایس طرح اج دوجے وی مسئلیاں دے حل لئی سڑکاں تے موجود نیں۔ جے حالات نہیں ٹھیک کیتے، مہنگائی تے قابو نہیں پایا تے عمران خان حکومت مکمل رد ہو کے عوامی سیلاب دی نذر ہو جاوے گی تے لوک ہور سڑکاں تے آن گے۔معیشت دی بحالی اہم اے، لٹیریاں تے چوراں نوں سزاواں دینا وی اہم اے، مافیا نوں لٹکانا اہم پر ایہناں سب کماں توں ودھ اہم عام بندے دے مسئلے حل کرنا اے۔ عوامی طاقت دے بغیر حکومت اندرونی و بیرونی دشمناں دا مقابلہ نہیں کر سکدی، عوامی حمایت دے بغیر حکومت داخلی و خارجی معاملیاں نوں بہتر نہیں بنا سکدی، جدوں تک عام بندے دی حمایت حاصل نہیں ہووے گی، عام بندے دے مسئلے حل نہیں ہون گے، عام بندے دی زندگی سوکھی نہیں ہووے گی، امن وامان دی صورتحال نوں بہتر بنانا یاں امن و امان نوں برقرار رکھن دا خواب شرمندہ تعبیر نہیں ہو سکدا تے عوامی توقعات دے مطابق تے خان صاحب تہاڈے سبق دے مطابق سڑکاں تے آن گے تے انج احتساب تے حساب دے دور دا آغاز ہووے گا۔