غزل
منورشکیل
ہر اک بندے ہتھ جو رنگے ہوئے نیں
بوہے بوہے خنجر ٹنگے ہوئے نیں
ویکھ لئے نی چالے چون ہواواں دے
بندیاں وانگوں رکھ وی ٹنگے ہوئے نیں
میرے حصے کتھوں نیندر آونی اے
اکھاں اندر سفنے ونگے ہوئے نیں
کھل گئے نیں سارے راز حیاتی دے
میرے کولوں کتھے چنگے ہوئے نیں
جدھر نوں میں بیناں لے کے ٹریا واں
ایدھر نوں کجھ کھپرے لنگھے ہوئے نیں
اوہدے پیر شکیلؔ دھوان لئی یارو
بدلاں توں کجھ ہنجو منگے ہوئے نیں
