غزل
خاور راجہ
سیتے ہوٹھ میں عمراں والے کھولھاں جاں نہ کھولاں
اج تیکر نئیں بولی ہن وی بولاں جاں نہ بولاں
ڈردی، کمبدی، جھکدی میں تاں ساری عمر گزاری
ہن وی سوچ رہی ہاں دکھڑے پھولاں جاں نہ پھولاں
جھوٹھ، فریب، مکر دے پردے اج سارے میں پاڑاں
سبھ مکاری پیراں ہیٹھاں رولاں جاں نہ رولاں
چپ دی سولی اتے میں تاں کئی صدیاں دی ٹنگی
چپ دے جندرے توڑاں مونہوں بولاں جاں نہ بولاں
اپنے پچھوں آون والیاں تائیں کنج بچاواں
ویریاں واسطے خاور موہرا گھولاں جاں نہ گھولاں
