غزل
عارف شاہ پروہنا
کدی تے کال چینی دا پیندا
کدی گیس ناں تیل
سچی گل تے ایہہ وے سجنوں
ہو گئی حکومت فیل
بجلی لکن میٹی کھیڈے
کدی آوے کدی ایہ جاوے
غریباں کولوں نفرت کر دی
سرمایہ دار دی بنی رکھیل
میرے دیس دا جنہاں سرمایہ
باہر دے ملک جمع کرایا
پھڑ کے ایہناں ظالماں نوں
ڈک دیئو وچ جیل
آپس وچ انج لڑدے لیڈر
لا کے سوکن آڈھا
پٹری اُتوں لاہ دیندے نیں
ایہہ جمہوری ریل
ٹوٹی دے وچ پانی نہیں آندا
منہ ہتھ کسراں دھوواں
ایس توں ودھ تے بدلاں وچوں
وسدی پئی تریل
دہشت گرداں ہر بندے دا
ایسراں خون سُکایا
جسراں شہر وچ آن وڑی
بندے کھانی چڑیل
مدتاں ہویا ساڈے گھر نہ آیا یار پروہناؔ
عارف شاہ پیا کرے دعاواں
کدی تے سچیا ربا میل
