غزل
ارشد منظور
چانن کِدھرے دور وکھالی دیندا اے
منصف وی مجبور وکھالی دیندا اے
ازلاں توں مزدور وکھالی دیندا اے
وچ زخماں دے چور وکھالی دیندا اے
ڈولے کھاوے کشتی ساڈی آساں دی
ڈریا سارا پور وکھالی دیندا اے
ماڑے نوں انصاف نہ لبھے کدھرے وی
تگڑے ول منشور وکھالی دیندا اے
رُت ملن دی آ گئی سجناں چھیتی آ
ککراں اُتے بور وکھالی دیندا اے
جد سوچاں وچ تھیّا تھیّا ہوندا اے
سوہنا شہر قصور وکھالی دیندا اے
جدھر ویکھاں ہن تے مینوں چارے سو
بس ارشد منظور وکھالی دیندا اے
