کراچی ڈب گیا کسے نوں کوئی احساس نہیں سند ھ ہائی کورٹ
کراچی : سند ھ ہائی کورٹ نے صوبائی حکومت تے بلدیاتی اداریاں اُتے شدید غصے دا اظہار کر دیاں ہوئیاں آکھیا کہ کراچی ڈب گیا تے کسی نوں وی احساس نہیں ، لوکاں دے گھراں دا سارا سامان تباہ ہو گیا،
ہر ادارہ دُجے ادارے اُتے ذمہ داری پا رہیا اے ۔سندھ ہائی کورٹ نے ڈسٹرکٹ سینٹرل نوں کوڑا نہ چُکن تے برسات توں بعد شہر وچ نکاسی آب دا نظام متا ثر ہوون دے معاملے اُتے ذمہ دار افسراں نوں فوری بُلا لیا۔سماعت دے دوران جسٹس خادم حسین شیخ نے ریمارکس دتے کہ کوڑے دی وجہ نال برسات وچ کراچی دُب گیا ، ایہ اک ساڈے لئی لمحہ فکریہ اے کہ کسی نوں وی کوئی احساس نہیں، ہر ادارہ اج دُجے اُتے الزام لا رہیا اے ، کراچی وچ گڈیاں پانی وچ دُب گئیاں سن ، لوگ کھراں وچوں اپنے بالاں نوں باہر نہیں کڈ رہیے ، بر سات نال لوکاں دا سارے گھر دا سامان تباہ ہو گیا ، کیہ ساڈے وچوں کوئی بارش دے تے گندے پانی وچ جا سکے گا ؟ عدالت نے صوبائی حکومت نال استفسار کیتا کہ بارش نے سارا شہر ڈبو دتا ، سرکاری وکیلاں نے آکھیا کہ حکومت نے متعلقہ اداریاں نوں فنڈ دتا ، الائشیوں نوں ٹھکانے لگاون دا بندوبست کیتا جائے گا ، ڈسٹرکٹ سینٹرل نوں کوڑا چکن دی کے ایم سی تے سالڈ ویسٹ مینجمنٹ دی ذمہ داری اے ، جھوٹ بولیا جا رہیا اے ، ڈسٹرکٹ سینٹرل وچ سالڈ ویسٹ مینجمنٹ نوں کوڑا چکن دی کوئی ذمہ داری نہیں دتی گئی ۔ جسٹس خادم حسین شیخ نے ریمارکس دتے کہ حکومت نوں کم کرن توں پہلاں فنڈ دی فکر ہندی اے ۔
