غزل

انور اُداس

جادُو سی کُجھ اوہدے حُسن جمالاں اندر
کُجھ میں جان کے پھسیا اوہدے جالاں اندر
جد توں ویکھیا اے میں نال محبت اوہنوں
ڈِٹھّا اے اَت نخرہ اوہدیاں چالاں اندر
بھُلنا چاہندا ساں میں جِس بیدردی تائیں
اوہ وَسدا اے میرے خواب خیالاں اندر
مر گیا اے اج فیر غریب دَوا دے ہتھّوں
فیر مسیحا نیں اَج سب ہڑتالاں اندر
پُتراں ونڈّی پاون وچ دو دِن نہیں لائے
جیہڑا گھار بنایا سی میں سالاں اندر
تھوڑا بہت بچا کے رکھیا کر تُوں انورؔ
کم آوے گا تیرے اِک دِن کالاں اندر