غزل
مجاہداقبال مجاہد
کیہ دساں کجھ پتہ نہیں لگدا کیہ بنے گا
سمجھ نہ آوے مینوں جگ دا کیہ بنے گا
ہیر سسی دے وانگوں اوہناں دھکے کھانے
سوچیا نہ جنہاں پیو دی پگ دا کیہ بنے گا
بوہتے بچیاں والا بندہ پل پل سوچے
کتھوں کما کے دیواں وگ دا کیہ بنے گا
کافر کافر اک دوجے نوں پئے آکھن مُلاں
مذہب دے ناں تے مچی اگ دا کیہ بنے گا
نظراں دے جو تیر چلا کے لٹ لیندا اے
حشر دیہاڑے سوہنے ٹھگدا کیہ بنے گا
کنڈ ولا کے جاون والیا دس دا جا
دل دی مندری پیار دے نگ دا کیہ بنے گا
ہنجواں دا وی تیل مجاہد پا کے ویکھ
پیار دا دیوا نہیں ہن جگ دا کیہ بنے گا
