پراں دے نال

امرجیت سنگھ سندھو

اوہ بن پروں اڈے، اسیں اڈے پراں دے نال
پچھتائے لا کے یاریاں، جادوگراں دے نال
کھوٹے ٹکے دے وانگ اس، ٹنکا کے سٹ تے،
توں ہور پریتاں پا دلا، سوداگراں دے نال
نرگس٭ دے ہنجو تاں نرے تپکے سی تریل دے،
دھوکھا بڑا کیتائے ایہنے ، دیداوراں دے نال
بیٹھک چ اوہناں رکھ، بجڑے دا آہلنا،
وسدے گھراں دی شان ہے، اجڑے گھراں دے نال
میں اگ لگے کھنبھ لے، کیوں آ گیا ایدھر،
گلشن ہی سارا جل گیائے، میرے پراں دے نال
ساڈے گھراں نوں شوق ہے، ساگر دے نیڑ دا،
ساگر نوں ہے پر دشمنی، ساڈے گھراں دے نال
ساڈے لہو دا آخری، قطرہ وی پی کے اوہ،
تشبیہ سانوں دے رہے، سکے سرانے دے نال
اس دی اکلتا دی وی توں، پاویں گا کنج تھاہ،
نہیں رکھ سکیا جسم نوں، جو آندراں دے نال