غزل
عبدالحمید نظامی
مشکل ای کوئی ایتھے نیکو کار سداوے گا
دشمن اوہدی بکل اندر یار سداوے گا
ظالم جھوٹھے دے سر کپن دا جو حکم دیوے
اوخو پنچ سیانا طرے دار سداوے گا
راکھے ای جے لٹن لگ پین اپنے گلشن نوں
مشکل اے کوئی ایتھے پہریدار سداوے گا
حق دا بول سنائونا جے جرم ہویا تے یارو
میرا ذہن وی اٹھ کے جرم دار سداوے گا
سپاں وانگوں پل دے پئے نے دکھڑے آل دوال
کوئی تے جوگی قیل کے سینہ ٹھار سداوے گا
علم دے اندر ادب نہ رکھیا ویکھ لویں نظامیؔ
تیرے جیہا فقیر وی فیر گوار سداوے گا
