راتاں پیاریاں تکیے

امرجیت سنگھ سندھو

دعا منگو کہ رنگلے دن تے راتاں پیاریاں تکیے
کہ چڑھدے سال وچ، چڑھدی کلا وچ یاریاں تکیے
بڑا ہی چر اساں زہری فزاں دا زہر پیتا ہے
کہ ہن تاں باغ وچ، مہکاں دیاں سرداریاں تکیے
پربھو جی، جوبناں دے سر نہ چنیاں تکیے چٹیاں
اسیں مٹیاراں دے سر تے سدا پھلکاریاں تکیے
اجے اخبار دیندا ہے بھیانک مورتاں مترو
دعا کریئے کہ آپاں اس چ شکلاں پیاریاں تکیے
لہو دی نیں ذرا سکے، محبت دا وہے دریا
کہ جس وچ نوجواناں نوں لگاؤندے تاریاں تکیے
اسیں جھلسی پئی قدرت نوں دیئے آس پھلاں دی
اسیں قادر دیاں گلشن دے وچ غلکاریاں تکیے
اویں وی ہار نہ جائیے کہ جھک جائیے زمیں تیکر
اسیں جیتو ادا وچ جھومیاں خداریاں تکیے
اساں دا سر جے کٹ جاوے، تاں چند بن کے چڑھے عرشیں
کہ ’سندھو‘ ہن تاں نہ راتاں اسیں اندھیاریاں تکیے