غزل
بابانجمی
اس دھرتی دا ہر اک بندہ اپنی آپ مثال
کالا، گورا، جھوٹھا سچا اپنی آپ مثال
سورج دا اک اپنا رتبہ چن دی اپنی شان
وچ کڑھاں دے جہڑا بلدا اپنی آپ مثال
تیرا اَنا دا جے دھر دیندا اوہ آدم دے کول
اوہدا قد کدی نہ بن دا اپنی آپ مثال
میرے اندر انکھ نہ ہوندی گل ویاہون جوگ
کسراں بن دا چپہ تیشہ اپنی آپ مثال
قدم قدم تے اوکڑ سہہ کے اوس اے ثابت کیتا
جگ تے بھین بھرا دا رشتہ اپنی آپ مثال
اوہنے شیش محل بنوایا ایہہ نیں اوہدے بھاگ
میرے لئی اے کچا کوٹھا اپنی آپ مثال
مینوں نیند نہیں آئونی بابا بن دا نہیں جد تیک
میرے دیس دا بچہ بچہ اپنی آپ مثال
