غزل
بیرا جی
سب نے رب ولے ٹر جانا’ پہلاں کیہ تے مگروں کیہ
چنگا اے دل نوں سمجھانا’ پہلاں کیہ تے مگروں کیہ
دنیا کسے دا پکا گھر نہیں آنا جانا لگیا اے
ایہہ سنسار مسافر خانہ پہلاں کیہ تے مگروں کیہ
عورت ذات محبت منگدی’ ازمائش وچ پیندی نہیں
تیویں دل دے وچ وسانا’ پہلاں کیہ تے مگروں کیہ
ایڈز دیاں تکلیفاں میڈیا نویں نسل نوں دس دیوے
ٹیلر فلم دے وچ چلانا’ پہلاں کیہ تے مگروں کیہ
کانی ونڈ اللہ دے کم نیں بس بندہ انصاف کرے
اکو جیہا ہر تھاں ورتانا پہلاں کیہ تے مگروں کیہ
پہل کرن والا اخلاقوں چھیتی بازی لے جاندا
رسیا رشتہ آپ منانا پہلاں کیہ تے مگروں کیہ
پہلے روز ای بلی مردی’ بیراجی سب گلاں نیں
ہوندا اصلا رعب جمانا’ پہلاں کیہ تے مگروں کیہ
