ماں
غلام شبیر عاصم
میری ماں تے میری جان اے
میرا تے ایہ دین ایمان اے
میرے سر تے ایہدیاں چھانواں
ایہدے توں میں صدقے جا واں
سوہنے ناواں نال پکارے
میتھوں جان ایہ اپنی وارے
میرے باجھوں رہ نہ سکے
چم چم مینوں کدی نہ تھکے
ایہ ہے روپ خدا دا لگدا
ایہدے پیار داراوی وگدا
ایہ ہے صدقے میتھوں جاندی
میرے دکھ تے مرمر جا ندی
میری خاطر پالے ٹھردی
ایہ ہے دھپاں لوواں جر دی
ایہدا شان ودھا یا رب نے
وچ قرآن سنایا رب نے
ایہدا رتبہ بلے بلے
جنت ایہدے پیراں تھلے
ٹھنڈیاں عاصم چھاواں دیوے
مینوں نِت دُعاواں دیوے
