غلامی دے پٹکے

عبدالحمید نظامی

غلامی تیری دے گل پائے پٹکے یارسول اللہ
دلاں چوں ہوگئے نیں دور کھٹکے یارسول اللہ
کرم دی جھات پا دیوئو اساں جئے عاصیاں اُتے
کدی گھیری دے وچ بیڑی نہ اٹکے یارسول اللہ
تساں دے کول آوندے نے جو ، بھر بھر کے پلائوندے او
تساں دے کول بھرے رہندے نے مٹکے یارسول اللہ
سماں جنتی دکھائوندے نے اوہ وچ مسجد نبوی دے
اوہ نوری قمقمے جہڑے نے لٹکے یارسول اللہ
تیرے عاشق تے نظراں نال وی چم لیندے جالی نوں
بھانویں لکھ وار پیا شرتا کوئی ہٹکے یارسول اللہ
کوئی ول نہیں نظامی نوں کویں فریاد کرنی ایں
لکھدا اے شعر سادہ تے جٹکے یارسول اللہ