غزل
طاہر جاوید
چلو ایس رائیگاں وچوں نکل کے ویکھنے آں
اسیں اپنی کہانی چوں نکل کے ویکھنے آں
کدوں تک ساتھ دیندے نیں ایہ ہتھ’ پیر میرے
تہاڈی مہربانی چوں نکل کے ویکھنے آں
مکاں تے لامکاں توں بعد کہڑا اے ٹھکانا
تے فیر ایس لامکانی چوں نکل کے ویکھنے آں
تیری جادو بیانی توں پرے چاہت دا مطلب
تیری جادو بیانی چوں نکل کے ویکھنے آں
جہدے تے دو دلاں نے دستخط کرنے سی طاہر
اوسے’ عہد زبانی چوں نکل کے ویکھنے آں
