غزل
انور ندیم علوی
کوئی جتی ہوئی بازی نوں ہر جاوے تے کیہہ ہووے
کوئی دل دے سمندر وچ اتر جاوے تے کیہ ہووے
لشکدا گھر اے شیشے وانگ ، پردیسی نے اج آئونا
کوئی اپنے گراں آ کے گھر جاوے تے کیہ ہووے
بڑے ای کم ادھورے نیں، ایویں بندہ پیا سوچے
پیالہ زندگی دا ای جے بھر جاوے تے کیہ ہووے
ایہہ مینوں جان توں پیارے ، میں پالے روگ ایہہ سارے
غماں دے نال جے چہرہ نکھر جاوے تے کیہ ہووے
جیہڑا پھلاں توں ودھ سوہنا، ندیم انور لگے مینوں
مرے شعراں چ وی خوشبو جے بھر جاوے تے کیہ ہووے
