ہائی کورٹ : آصف زرداری تے فواد چوہدری نوں نااہل کرن دیاں درخواستاں مسترد

اسلام آباد (پنجابی میڈیا گروپ) اسلام آباد ہائیکورٹ نے سابق صدرآصف علی زرداری تے وفاقی وزیر فواد چوہدری نوں نااہل قرار دین دیاں درخواستاں مسترد کر دتیاں ۔ بدھ والے دن اسلام آباد ہائیکورٹ نے سابق صدر آصف زرداری تے وفاقی وزیراطلاعات فواد چوہدری نوں نااہل قرار دین دیاں درخواستاں مسترد کردیاں ہویاں آکھیا کہ2 لکھ ووٹر کسی نوں وی منتخب کرن تے غیر منتخب جج کیوں نااہل قرار دین ۔ اسلام آباد ہائیکورٹ دے چیف جسٹس اطہر من اللہ نے نااہلی دیاں درخواستاں اُتے مختصر فیصلہ جاری کردتا ۔عدالت دا کہنا سی کہ 2لکھ ووٹر کسی نوں وی منتخب کرن تے غیر منتخب جج کیوں اوس نوں نااہل قرار دیوے ، سیاسی جماعتاں اپنے سیاسی تنازعے عدالتاں توں باہر نمٹان۔ فیصلے وچ آکھیاگیاکہ مفاد عامہ وچ عدالتاں نوں منتخب نمائندیاں دی نااہلی دے کیس وچ پیہنا ہی نہیں چاہیدا۔