پاکستان مسلم لیگ (ن) دا پیکا ترمیمی آرڈیننس چیلنج کرن دا فیصلہ

اسلام آباد (پنجابی میڈیا گروپ) پاکستان مسلم لیگ (ن) نے پیکا ترمیمی آرڈیننس اسلام آباد ہائی کورٹ وچ چیلنج کرن دا فیصلہ کیتا اے ۔ میڈیا رپورٹ دے مطابق قائدِ حزب اختلاف تے صدر پاکستان مسلم لیگ ن محمد شہباز شریف نے اسلام آباد ہائی کورٹ وچ چیلنج کرن دا فیصلہ کر لیا، مریم اورنگزیب تے سینٹر اعظم نذیر تارڑ ولوں پٹیشن دائر کیتی جائے گی۔ پاکستان مسلم لیگ (ن) نے میڈیا، اظہار رائے دیاں آزادیاں دے خلاف قنون چیلنج کرن لئی پٹیشن تیار کر لئی، پاکستان مسلم لیگ (ن) دی تیار کردہ پٹیشن چھیتی دائر ہون دا امکان اے ۔پاکستان مسلم لیگ (ن) نے حکومت ولوں پیکا ترمیمی آرڈیننس نوں آئین تے بنیادی انسانی حقوق دے منافی قرار دیندیاں مسترد کیتا سی۔