فریقیناں نوں فیض آباد دھرنے اتے حقائق پیش کرن دااک ہورموقع مل گیا، سپریم کورٹ دا تحریری حکمنامہ جاری

فریقین کیس بارے حقائق بیانِ حلفی ذریعے جمع کرا سکدے نیں، کیس وچ تحریری جواب27اکتوبر تک جمع کرائے جان،کیس دی سماعت یکم نومبر نوں ہوئے گی
اسلام آباد(بیوروروپورٹ)سپریم کورٹ آف پاکستان نے فیض آباد دھرنا نظرِ ثانی کیس دی28ستمبر دی سماعت دا تحریری حکم نامہ جاری کر دیاں ہویاں فریقین نوں فیض آباد دھرنے اتے حقائق پیش کرن دا اک ہور موقع دے دتا ۔فیض آباد دھرنا نظر ثانی کیس دی 28 ستمبر دی سماعت دا تحریری حکم نامہ 4 صفحیاں اتے مشتمل اے جس نوں چیف جسٹس قاضی فائز عیسی نے تحریر کیتا اے۔تحریری حکم نامے وچ آکھیا گیا کہ ساریاں فریقیناں نوں فیض آباد دھرنے بارے حقائق پیش کرن دا اک ہور موقع دے رہے ہاں، فریقین کیس بارے حقائق بیانِ حلفی ذریعے جمع کرا سکدے ہاں، کیس وچ تحریری جواب 27 اکتوبر تک جمع کرائے جان، کیس دی سماعت یکم نومبر نوں ہوئے گی۔حکم نامے وچ آکھیا گیا کہ اٹارنی جنرل نے آکھیا کہ وزارتِ دفاع اپنی نظر ثانی دی درخواست اتے ہور کارروائی نہیں چاہندا، آئی بی، پیمرا، پی ٹی آئی نے وی متفرق درخواست ذریعے نظرِ ثانی دیاں درخواستاں واپس لین دی استدعا کیتی، درخواست گزار شیخ رشید نے نوا وکیل کرن لئی ہور مہلت دی استدعا کیتی، درخواست گزار اعجاز الحق نے فیصلے دے پیراگراف نمبر 4اتے اعتراض چکیا۔