سپریم کورٹ پریکٹس اینڈ پروسیجر ایکٹ خلاف درخواستاں اتے سماعت (اج)ہوئے گی

سماعت سرکاری ٹی وی براہ راست نشر کرے گا، کمرہ عدالت نمبر اک وچ سرکاری ٹی وی دے کیمرے لا دتے گئے
اسلام آباد(بیوروروپورٹ)سپریم کورٹ پریکٹس اینڈ پروسیجر ایکٹ دے خلاف درخواستاںاتے چیف جسٹس پاکستان قاضی فائز عیسی دی سربراہی وچ فل کورٹ(اج)منگل نوںسماعت کرے گا۔ذرائع مطابق سرکاری ٹی وی نوں عدالتی کارروائی براہ راست نشر کرن دے انتظاماں دی ہدایت کر دتی گئی اے۔پریکٹس اینڈ پروسیجر ایکٹ بارے سماعت سرکاری ٹی وی براہ راست نشر کرے گا، کمرہ عدالت نمبر اک وچ سرکاری ٹی وی دے کیمرے لا دتے گئے۔دوجے پاسے پریکٹس اینڈ پروسیجر ایکٹ خلاف کیس وچ پاکستان تحریک انصاف نے اضافی دستاویزات سپریم کورٹ وچ جمع کروا دتیاں۔پی ٹی آئی نے استدعا کیتی کہ اضافی دستاویزات نوں کیس دے ریکارڈ دا حصہ بنایا جائے۔پی ٹی آئی دی دستاویزات مطابق پریکٹس اینڈ پروسیجر ایکٹ عدلیہ دی آزادی خلاف اے، آئین وچ پارلیمنٹ تے ایگزیکٹیو دے اختیارات واضح نیں۔