میانہ روی تے دانش مندی وزیراعظم شہباز دا تشخص

طبیعت دے الٹ اتحادی جماعتاں دی سوچ دا لحاظ وی رکھنا پیندا اے

حکومت نوں ان گنت چیلنجز درپیش‘ اندرون ملک میڈیا ٹف ٹائم دین وچ مشغول

فیصل ادریس بٹ

سپریم کورٹ ولوں 14 مئی 2023ء نوں پنجاب وچ الیکشن دے انعقاد دا فیصلہ آن مگروں ملک وچ سیاسی صورتحال انتہائی ابتر توں ابتر ہوندی جا رہی اے۔ تن رکنی بنچ دا فیصلہ جتھے پارلیمنٹ دی قرارداد نال متصادم اے۔ آن والے کجھ دن انتہائی اہمیت دے حامل نیں۔
سول حکومت دے سپہ سالار وزیراعظم میاں شہباز شریف دا ماضی ایس شے دا گواہ اے کہ اوہ انتہائی میانہ روی تے دانش مندی دے نال حکومت تے سیاست نوں چلان دے قائل نیں۔
شہباز شریف انتقامی سیاست اتے یقین نہیں رکھدے۔ ایہہ ایس گل دی دلیل اے کہ تیرہ رکنی اتحادی جماعتاں نال اپنی منشا دے الٹ افہام و تفہیم توں ملکی حکومت دا ٹائی ٹینک لے کے اگے ودھن دی کوشش کر رہے نیں۔ ایہہ گل وی درست اے کہ شہباز شریف دے رستے وچ بے پناہ رکاوٹاں مشکلاں آ رہیاں نیں لیکن امید کیتی جاندی اے کہ اوہ ایہناں مشکلاں نوں نبردآزما ہو کے نبٹن وچ کامیاب ہو جان گے۔ اندرونی مسائل وچ سب توں وڈا مسئلہ ڈگدی ملکی معیشت‘ مہنگائی‘عدلیہ حکومتی تصادم‘ ات گردی دے جن نوں قابو کر کے بوتل وچ بند کرن دے ٹاسک دے علاوہ اوہناں نوں بیرونی دنیا نال بہتر تعلقات استوار کرن دے چیلنجاں دا وی سامنا اے۔
شہباز شریف جدوں پنجاب وچ بطور وزیراعلیٰ خدمات انجام دیندے رہے نیں۔ اوس ویلے اوہناں دے فلاحی تے عوامی منصوبیاں‘ گڈ گورننس‘ بہترینا یڈمنسٹریشن دا کوئی ثانی نہیں سی۔ وفاق وچ حکومت سنبھالن مگروں اوہناں نوں اپنی طبیعت دے برعکس اتحادی جماعتاں دا لحاظ وی رکھنا پیندا اے۔ انٹرنیشنل میڈیا‘ شہباز شریف دی کارکردگی دا معتقد نظر آندا اے جد کہا ندرون ملک میڈیا ہاوئسز موجودہ حکومت نوں درپیش ان گنت چیلنجز دے باوجود ٹف ٹائم دین وچ مشغول اے حالانکہ لا اینڈ آرڈر قنون تے اطلاعات و نشریات دے وزیر اپنے کپتان شہباز شریف دے شانہ بشانہ چلدے نظر آ رہے نیں۔ اعظم نذیر تارڑ موجودہ بحران وچ اہم کردار ادا کردے نظر آ رہے نیں جد کہ رانا ثنااللہ‘ شہباز شریف دے ہر اول دستہ دے طور تے فرنٹ فٹ اتے کھیڈ رہے نیں۔ دن رات محنت کردی وزیر اطلاعات و نشریات مریم اورنگزیب دی وی کارکردگی قابل ستائش اے۔ مریم اورنگزیب حکومت دے تعمیری فیصلیاں دی تشہیر دے عالوہ پارٹی دی وی ترجمان دے طور تے خدمات انجام دے رہیاں نیں۔
بطور وفاقی سیکرٹری اطلاعات و نشریات لما عرصہ خدمات انجام دین والی مہترمہ شاہیرہ شاہد جہناں نے حال ای وچ اپنی سروس دی معراج گریڈ22 حاصل کر لیتا سی‘ نوں تبدیل کر کے محکمہ اطلاعات و نشریات دے انتہائی منجھے ہوئے قابل افسر سہیل علی خان نوں بطور سیکرٹری اطلاعات و نشریات تعینات کیتا گیا اے۔ سہیل علی خان محکمہ اطلاعات لئی عرصہ دراز توں خدمات انجام دے رہے نیں۔ اوہ انتہائی پروفیشنل افسراں دی فہرست وچ اوہناں دا شمار ہوندا اے۔ ایس توں پہلاں اوہ پرنسپل انفارمیشن افسر دا وسیع تجربہ رکھدے نیں جہدے مگروں اوہناں نوں ڈی جی ریڈیو تعینات کیتا گیا۔ ریڈیو دے سیٹ اپ وچ اپ گریڈیشن لئی عملی اقدامات کیتے جہدے مگروں اوہناں نوں ایم ڈی پی ٹی وی تعینات کرو۔ سہیل علی خان نے پی ٹی وی ڈگدی ساکھ نوں کرن لئی انگنت اقدامات کیتے جہڑے جاری نیں۔
سہیل علی خان دی وفاقی سیکرٹری میڈیا انڈسٹری وچ ہوا دے ٹھنڈے جھونکے لہر اے۔ سہیل علی خان ورکنگ صحافیاں تے میڈیا ہائوسز دے مالکان دے نال اعلیٰ رابطے رکھدے نیں۔ حکومت دے ایہناں کرائسز وچ سہیل خان ای اوہ افسر نیں جہڑے عوام دے سامنے حکومت دے مثبت پہلوواں نوں اجاگر کرسکدے نیں۔سہیل علی خان دی ٹیم وچ پرنسپل انفارمیشن افسر مبشر حسن ڈی جی ریڈیو پاکستان طاہر حسن جو پاکستان ریڈیو لئی سسٹم اپ گریڈ کرن وچ مشغول نیں تے ایس گل دا اعادہ کیتے ہوئے نیں کہ پاکستان ریڈیو نوں خسارے توں کڈ کے پرافٹ ایبل پروجیکٹ بنان گے۔
جے گل کیتی جاوے ڈائریکٹر جنرل پی آئی ڈی محترمہ رئیسہ عادل دی تے اوہ فیلڈ دا وسیع تجربہ رکھن دی وجہ نال پی آئی او مبشر حسن دے کماں وچ اوہناں دے شانہ بشانہ سامل نیں۔ ڈائریٹر جنرل پی آئی دی لہور شفقت عباس دا وی تجربے دے حساب نال کوئی ثانی نہیں۔ شفقت عباس نے بہت گھٹ ویلے وچ بوہتا حکومتی خدمات انجام دتیاں نیں۔
حال ای وچ محکمہ اطلاعات دے سینئر افسراں دی فارن پوسٹنگ لئی سو دے کول سینئر تے جونیئر افسراں دے انٹرویوز منعقد کیتے گئے نیں جہدے وچ صوبائی سیکرٹری اطلاعات علی نواز ملک‘ ڈی جی آئی ڈی شفقت عباس‘ پی آئی او مبشر حسن‘ محترمہ رئیسہ عادل‘ خرم تنویر‘ طاہرہ سیدہ دے علاوہ منظور علی دے انٹرویوز ہوئے نیں۔ ایہناں وچوں سلیکٹ ہون والے افسراں نوں مختلف ملکاں وچ پریس منسٹر قونصلر اتاشی تعینات کیتا جاوے گا۔ شفت عباس‘ علی نواز ملک‘ رئیسہ عادل دے سلیکٹ ہون دی صورت وچ سہیل علی خان اپنے بہترین افسراں دی ٹیم توں محروم ہو جان گے۔ ویکھنا ایہہ کہ ہن سہیل علی خان ایہناں سینئر افسراں نوں بیرون ملک تعیناتی دی اجازت دیاں گے یا نہیں؟